Un mural enig-mático

Estamos no entroido e temos unha proposta de cine. O  alumnado de Diversificación de 3ºF  e 4ª de ESO dirixidos por Renata Otero elaboraron un mural collage desproporcionado, con actores e actrices enriba da  alfombra vermella (como este ano estivemos nos Goya!), pero un par de directores colaronse no noso desfile ¿Podes atopalos?

Aquí podes ver os detalles:

Un Cartafol chamado Balbino

O alumnado de 1º de ESO do noso IES ven de facer un exercicio de escritura cooperativa, dirixidos pola profesora Susa Fernández Lopo: Un Cartafol chamado Balbino. Seguindo os pasos de Neira Vilas, volcan as súas experiencias de nenos da Aldea... esta vez unha Aldea Nova, nun cartafol que nos amosará as inquedanzas da xuventude actual 

http://es.calameo.com/read/000452996ea4dc5786524?authid=lFxiKPFGWdox 

LECTURAS DE VERÁN

Ahí van as recomendacións da Biblioteca do IES para que desfrutedes dunha boa bibliopiscina.

Lecturas recomendadas from iesames

MEMORIA DE ACTIVIDADES DA BIBLIOTECA DO IES DE AMES

Finalmente rematou outro curso. A Biblioteca xogou nel un papel importante como catalizador e compilador de moitas das actividades. Podedes acceder a elas desde a memoria da biblioteca e na páxina do plan lector 2012-13

CIENCIA EN ACCIÓN

As profesoras Margarita Olivar e Mercedes Neira, xunto coas alumnas premiadas nesta convocatoria de Ciencia en Acción, recollendo o merecido galardón.
Beatriz Adán,
Antía Freire
Nerea Montes
En representación de todo o alumnado do Centro que participou no Proxecto: Con A de Ames con A de astronomía con A de  Ágora.

Con A de Ames, con A de Astronomía, con A de Ágora

O IES de Ames recibe unha mención de honra do CSIC no certame de Ciencia en Acción, celebrado en Cosmo Caixa de Alcobendas, polo proxecto interdisciplinar desenvolvido o curso anterior "Con A de Ames, con A de Astronomía, con A de Ágora". Este proxecto foi un dos 150 seleccionados de toda España e Sudamérica. Defendérono con maestría e ilusión as alumnas Beatriz Adán, Antía Freire e Nerea Montes, acompañadas polas profesoras Mercedes Neira e Margarita Olivar. O xurado destacou a variedade de actividades realizadas e o gran número de materias e profesores que colaboraran. Hai que facer unha mención especial de agradecemento ao profesor Jesús Fidalgo, un dos artífices do proxecto que neste curso xa non está neste centro.
Descargar proyecto en pdf en: http://www.edu.xunta.es/centros/iesames/node/406

O martes 12 de xuño tivemos unha fermosa e agradable visita na biblioteca do IES de Ames. Veu o poeta Carlos Negro a recitarnos algúns dos seus poemas do libro Makinaria. Poemas para xente nova que falan de xente nova: a inconsciencia da mocidade e a velocidade, sobre como un mozo pode perder a vida na estrada, sobre como o discurso dos "vellos" cae en saco rompido mentres o escoitan con cara de póker. Unha poesía de lectura rápida, que concorda coa obsesión pola velocidade que nos describe, cun só destino: o cemiterio. Nesta visita Carlos recitou os seus poemas levándonos dende a descarga de adrenalina da loucura irreflexiva da velocidade nun sábado noite ata o vacío e horror que deixa a morte inútil e grotesca, polo evitable, dun adolescente que aínda tiña o mellor da vida por diante.

Todo elo mentres vai sacando cochecitos de xoguete dunha caixa, ata un total de 85; os 85 rapaces que morren nun ano nas estradas de Galicia pola “febre do Sábado noite”.

E despois de conseguir que quedemos mudos de emoción e de espanto, coma si se arrepentise de deixarnos cos corazóns cheos de tristura ten un regaliño para cada un de nos: un doce para a boca e un doce para alma; un carameliño para o mal sabor de boca e un verso de amor para aliviar o amargor da alma.