Beatriz Adán, premiada no concurso de relatos "A Ciencia que Conta"

Parabéns a Beatriz Adán por conseguir un dos 5 premios do concurso "A Ciencia que Conta" polo seu relato "Fisión na memoria".

Parabéns a aqueles que verán publicado o seu relato e a todos/as que participaron no concurso.

Os relatos que se publicarán son:

Unha cuestión de densidade (Antía Freire)
Fisión na memoria (Beatriz Adán)
Eureka! (Lucía Cadarso)
Auga marciana (Manuel Seoane)
Case todos os homes morren das súas medicinas e non das súas enfermidades (Pablo Queiruga)
Relatos na soidade (Patricia del Castaño)

Non foi o noso logo o elixido para o Comenius brigdes. Gañou Polonia. O noso logo podesdes velo no sitio español do proxecto https://sites.google.com/site/bridgescomenius/spanish-corner

Dentro do proxecto "Aula Aberta", teremos unha nova reunión que esta vez terá como motivo a Excelencia e a Diversidade no IES de Ames. Alumnos e exalumnos compartirán con nós as súas experiencias educativas, os seus logros, e veremos reflectidos neles o froito dos nosos esforzos e os seus por superarse cada día no eido educativo e persoal. Será unha reunión protagonizada polo alumnado do IES e polos alumnos e alumnas que xa non están, pero continuan entre nós. Unha reunión, charla, conversa... á que están convidados, no só os alumnos e alumnas, senón os pais e nais, os profesores e profesoras, os que están e os que estiveron... Todos aqueles que queiran compartir con nós un proxecto educativo.

O Musical xa votou a andar. Despois do Casting, en plena labor creativa xa comezaron os ensaios, os diferentes departamentos xa comezaron a enviar os seus guións... En fin todo vai por bo camiño. En breve veremos os primeiros resultados. O título:

A CUARTA DIMENSIÓN, VIAXE DIACRÓNICO NA PROCURA  DO ESLABON PERDIDO

Podesdes ver máis en "Os inicios dun musical"

Como tiñan prometido, os físicos José Benlluire, Jesús Fidalgo e Antonio Vázquez, aclararon hoxe, na Casa da Cultura de Bertamirans, as nosas dúbidas acerca da polémica que xurdiu co experimento Opera. Impresionou, sobre todo, a defensa do método científico, do rigor metodolóxico e do expíritu crítico que debe manter calquera investigación científica.

Pero de seguro que  tamén impresionou  ao público asistente, a capacidade dos tres oradores para transmitir o papel crucial que xoga a investigación básica na nosa comprensión do mundo. A comprensión cada vez máis fonda da materia que acada a ciencia.

Unha ciencia que tivo os seus alicerces na Grecia clásica, da man de pensadores que, sen medios técnicos, xa se cuestionaron sobre a estructura da materia e a súa divisibilidade, coma o xenial Demócrito. Hoxe, da man dos tres profesores recuperamos parte dese espírito que percorre a historia de Occidente, ata os nosos dias: o afán por comprender o noso mundo, e o afán de facelo con rigor e en comunidade.

Aquí deixamos  unha pequena mostra da charla dos tres profesores.

Conferencias: Aula Aberta

Inauguramos esta semana o proxecto de abrir a nosa comunidade á comunidade educativa a través de conferencias sobre temas de actualidade. Os neutrinos e a súa velocidade semellan que ameazan con poñer e perigo a nosa visión einsteniana do mundo ¿ou non? Para despexar todas as nosas dúbidas o profesor José Benllure da USC e os profesores Jesus Fidalgo e Antoni Vázques do IES de Ames nos achegaran a este tema dun xeito ameno e, seguro que lúdico. O xoves 27 de Outubro ás 18:30 na Casa da Cultura de Bertamiráns.

COMEZA UN NOVO CURSO

Comeza un novo curso e no noso IES "ferve" literalmente de novas propostas: novas obra de teatro, novos proxectos comenius, novos traballos de investigación e, coma non, un novo Ciclo de Conferencias de Formación Complementaria. De todas estas actividades iremos dando conta, ao longo do ano neste blogue. Tamén podedes visitar as páxina que cada actividade ten e nas que se recolleran os principais aspectos dos distintos traballos. Bo ano e a traballar toca!!!